فوائــد الترمس لعيون صبايا المنتدى

السلام عليــكم

للرد على موضوع الاخت ام ايمان

وانا بقرأ وجدت هذه المعلومات بمنتدى اخر وحبيت انكم تقرؤوها وتستفيدو متلي

ايه هو الترمس؟؟؟





هو نبات بقولى مشهور يكثر فى مصر وسوريا ولبنان

ومن مواده الفعاله 30% بروتين

كما يحتوى على كالسيوم وفوسفور ومواد اخرى


الترمس المر بيبقى لونه مصفر

والترمس الحلو بيبقى ابيض شويه


ليه اسمه ترمس مر؟؟؟

لانه يحتوى على قلويدات alkaloids وهى مواد ذات طعم مر وشديدة السميه

ليه بيستخدم لتقليل نمو الشعر ومنعه نهائيا؟؟؟

لان القلويدات دى بتقلل الدورة الدمويه يعنى الغذاء مش هيوصل للشعر اصلا

طب هنستخدمه ازاى؟؟؟


جرام حبوب ترمس مر تنقع فى لتر ماء فاتر وتوضع فى التلاجه

وعند الاستخدام يؤخذ كوب من ماء الترمس ويضاف ليه عصير ليمونه

ويقلب جيدا ويدهن بيه المنطقه المراد وقف نمو الشعر فيها


طيب ليه الليمون؟؟؟؟





لان جسمك مش هيعرف يمتص القلويدات اللى فى المايه دى الا فى وسط قلوى

ودا ممكن نعمله بعصير الليمون

رغم انه حامضى!!!

وذلك لان حامض السيتريك يتأكسد ويطرد من الجسم ويتبقى الاحماض القلويه التى تجعل الوسط كله قلوى

طيب هنستخدمه بعد ازالة الشعر ولا قلبه؟؟

بعد ازالة الشعر بالطريقه المعتاده بتدهن المنطقه كل يوم لمدة 6 ايام

والكلام دا كل شهر بعد ازالة الشعر لغاية ما يتوقف نمو الشعر نهائيا

طيب استخدمه مطحون ولا حبوب؟؟؟

حبوب

هندهن بعد الازاله على طول؟

لا مش على طول

الاول هتدلكى المنطقه بالليمون لمدة خمس دقايق بعدين تشطفيه

او تدوبى معلقة ملح فى 3 معالق ماء وتدلكى المنطقه 5 دقايق بردو وبعدين تشطفيه

وتسيبى جسمك يهدا شويه

ممكن بعد ساعتين مثلا تبدأى تدهنى بمية الترمس

النتيجه هتبان امتى؟؟؟

من اول شهر هتلاقى الشعر طالع ضعيف وفيه اماكن لم ينبت فيها الشعر وبردو دا بيعتمد على كثافة وسمك الشعر

طب فيه اعشاب تانيه فيها مادة القلويدات دى؟

اه فيه...عشبة السعد






وبتستخدم بنفس الطريقة بس بتتنقع فى ماء مغلى

وتانى يوم يوضع فى التلاجه بعد ما تصفيه

ينفع استخدم الاتنين مع بعض؟

يا ريت..هتلاقى نتيجه مزهله وسريعه جداا

____ _____ _________ ______ _________ ________


الجزء التانى من الموضوع الترمس الحلو او المستورد او السريع ودا اللى بيستخدم لتطويل الشعر و منع تساقطه





ليه اسمه ترمس حلو ؟؟

لانه مش مر

يعنى مفهوش مادة القلويدات اللى بتسبب المرارة

طب ليه بيستخدم لتطويل الشعر ؟؟

لانه يحتوى على مادة ال anageline

التى تعمل على

1- تقلل من تصنيع الانزيم المسئول عن تساقط الشعر

2- توصل الغذاء لجزور الشعر وتقويها عن طريق تحسين الدورة الدمويه

3- بتزود الحرق بتاع جزور الشعر وبالتالى بتزود من تصنيع مادة الكيراتين المكون الاساسى للشعر

طيب بنستخدمه ازاى؟؟

3 معالق ترمس حلو مطحون منقوع فى كوبين ماء حار ليله كامله

ثم يصفى

ويدهن بماء الترمس يوميا جزور الشعر مع تدليك خفيف



طيب هبتدى اشوف النتيجه امتى؟؟

بعد شهر من الاستخدام المنتظم

بيتقل الشعر ولا بيطوله بس؟؟

بيتقله كمان وعشان اكون دقيقه اكتر ....بعد 85 يوم بالظبط كثافة الشعر هتزيد 12%

ومع المداومه النسبه بتزيد

لو وقفته شعرى هيقع؟

لا مش هيقع بس يفضل تركه بالتدريج

طيب سمعت انه الترمس بينقى البشرة وبيفتحها استخدم مين فيهم؟

يعنى بذكاءك كدا هتستخدمى اللى يقلل شعر بشرتك ولا اللى يزودها!

طبعا بنستخدم المر بنفس الطريقه




بقطعة قطنه تمسح به الوجه والرقبه بعد الغسول المعتاد

وكدا هيكون 3 فى 1

تقليل شعر الوجه

تفتيح

قفل المسام




منقووووووووووول لعيونكم يا غاليــات

موضوعك كتير حلو ومفيد

وطريقة عرضه رائعه

ماشاءالله عليك يا اخت زهره

تسلمي اختي الغاليه

اخواتي الغـاليات

بنت فلسطيــن, جامعة الكل,, ازهـار المحبه,, ست الحبايــب

شكرا لمروركم الرااائــع

اختي الغاليــه جايه من التاريــخ

شكرا لمرورك الكريــم

موضوع رائع ومفيد

تسلمي غاليتي

موضوع مفيد جزاك الله عنا خيرا