طقم صيفى لبنوتى ... تعالوا شوفوه ..

[center]بسم الله الرحمن الرحيم ..
طقم صيفى لبنوتى بسيط و غرزته أبسط .. يارب يعجبكم .

طقم صيفى لبنوتى ... تعالوا شوفوه .. 317161994

ان شاء الله نقول الشرح سريع .. هو بسيط .............
البلوزة:
بدأت بعدد غرز أكبر حجم طبعاً بنقسمهم على الأمام و الخلف و بدأت بعدد زوجى من الغرز من تحت لفوق الأمام ثم الخلف بغرزة سطر و سطر حوالى طول 10 سم ( حسب ذوقك ) .
ثم عملت غرزة آجور بسيطة عبارة عن :
السطر الأول : 1 عدل // لفة ( الفتلة من فوق). 2 عدل معاً // يكرر ما بين العلامتين و نهاية السطر 1 عدل.
السطر الثانى : جميع الغرز بالمقلوب.
بعد الانتهاء من السطرين السابقين نرجع نشتغل تانى غرزة سطر و سطر مسافة 10 سم مرة كمان ثم حردت و الحردة طبعاً حسب المقاس اللى انت عايزاه . و انا نقصت فى الحردة 3 ، 2 ، 1 . علشان حردة الباط متكونش مفتوحة زيادة .

أما بالنسبة للجيبة :

بدأت من الكمر : غرزة و غرزة حوالى 5 سم ثم ابتديت فى سطر و سطر حوالى 10 سم ثم بدأت التوسيع ( غرزة ) من بعد غرزتين من السطى و غرزة من آخر غرزتين .
ثم اشتغلت سطرين الآجور .
ثم بعد ال10 سم الأوائل و الآجور الأول زودت التوسيع الى 3 غرز . غرزة بعد العشرين الغرزة الولى من السطر و واحدة قبل آخر عشرين و واحدة فى المنتصف .
ثم زينت الحرف بالكروشيه .
و اشتغلت الوردات بإبرة التطريز العادية .
أرجو أن ينال إعجابكم و أكون قد وفقت فى تبسيط شرحه.