ورشة جاكيت صيفي بسيط

ورشة جاكيت صيفي سهل وبسيط

الجاكيت يوجد به وحدتين مختلفتين وانصاف وحدتين مختلفتين

ولكني استخدمت وحدة واحده وبالتالي نصف وحدة واحده

ورشة جاكيت صيفي بسيط Rannd0101ec8807

وحدة الجاكيت المستخدمه
ورشة جاكيت صيفي بسيط Ranndd86c16b2f2

والنصف وحدة

ورشة جاكيت صيفي بسيط Rannd9c34d89c8a

شرح الوحدة :

1_البداية ب6 سلاسل وتغلق بمنزلقه

2_3سلاسل بمثابة عمود و4سلاسل وعمود و4 سلاسل ونستمر علي النمط ده حتي يتكون عندنا 8 اعمدة

3_هنعمل 4 اعمدة في السلاسل اللي بين الاعمدة وبين كل 4 اعمدة سلسله

4_4 سلاسل بمثابه عمود و5 سلاسل ( يمكن عمل العمود بلفه واحده حسب رغبتك )

وهنعمل عمود فوق كل عمود مع ملاحظة ترك اخر غرزة علي الابرة لتكوين كلستر

ثم 5 سلاسل وعمود في السلسله ثم 5 سلاسل و4 اعمدة ونلمهم بكلستر

ونستمر علي النمط ده لنهاية السطر

5_ 4 سلاسل بمثابة عمود وعمود اخر في الخمس سلاسل ثم 3 سلاسل ثم عمودين

ثم 5 سلاسل وحشو في الخمس سلاسل التاليه ثم 5 سلاسل ونستمر علي النمط ده لنهاية السطر

6 _ 5 سلاسل وعمودين في الثلاث سلاسل ثم 3 سلاسل وعمودين وخمس سلاسل وحشو ونستمر كده لنهاية السطر

شرح النصف وحدة

1_ هنبدأ ب7 سلاسل ونغلق بمنزلقة

2_ 4 سلاسل بمثابة عمود و3 سلاسل وعمود و3 سلاسل ونستمر كده حتي يتكون 4 اعمدة

3_ 4 سلاسل ثم 4 اعمدة وسلسله و4 اعمدة وسلسله و4 اعمدة وسلسله و4 اعمدة وسلسله وعمود

ونطلع للسطر التالي

4 _ 4 سلاسل وعمود في السلسله ثم 5 سلاسل ثم 4 اعمدة فوق الاعمدة

اللي في السطر السابق

ملمومين بكلستر واحد ثم 5 سلاسل

ونستمر كده لنهاية السطر

5 _ 5 سلاسل وعمودين و5 سلاسل وحشو في منتصف السلاسل اللي في السطر السابق

ثم 5 سلاسل وحشو ونستمر علي النمط ده لنهاية السطر مع ملاحظة انه في اخر لوب

هنعمل عمودين وسلسله وعمود ونلف عشان نبدأ في السطر الجديد

6_ 5 سلاسل وعمودين و5 سلاسل وحشو وخمس سلاسل وحشو ونستمر كده لنهايه السطر

وبرضه هنعمل في اخر لوب عمودين وسلسله وعمود

تقسيم الجاكيت

ورشة جاكيت صيفي بسيط Rannd4b1be13294

جاكت جميل جداً يا أم منه ..
ربنا يسها و أنفذه بإذن الله ..
تسلمى حبيبتى على الباترون و على الشرح ...
جزاك الله خيراً.
ورشة جاكيت صيفي بسيط 543785

تسلمي انووووووس

ويسلم مرورك الكريم

تسلم ايدك ام منه
شرحك ولا اروع
اخذ كام بكره خيط

اخد مني بكرة واحده من الاليز الجافا ( طبعا مقاس منه )

أم منه معلش هتعبك معايا ممكن تقوليلي طريقة التشبيك و لو بإختصار .... أنا أسفه بتقل عليكى

maryous كتب:: أم منه معلش هتعبك معايا ممكن تقوليلي طريقة التشبيك و لو بإختصار .... أنا أسفه بتقل عليكى

شوفي هتعملي وحدة كامله في الاول

وفي تاني وحدة هتشتغلي لحد السطر القبل الاخير وتقفليه

وتبداي في السطر الاخير بالطريقه ديه

2 عمود و2 سلسله ودخلي الابرة في احد اركان الوحدة الكامله وتعملي غرزة حشو تربط بين الوحدتين

و2 سلسله وعمودين في الوحدة التانيه

ثم 2 سلسله وغرزة حشو تربط بين الوحدتين و2 سلسله وتستمري علي النمط ده حتي نهايه احد الاربع اركان للوحدة التانيه

وتكملي باقي الوحدة بالطريقه السابق توضيحها

ولو في اي نقطة غير واضحه قولي

حقيقي بجد استاذة في الكروشيه و عبقرية تريكو

ورشة تحفة و شرحك اكتر من رائع

ازيك يا أم منه يا جميلة و ازى الأستاذة منه
انت قلتى حبيبتى ان الجاكت مقاس منه فمعلهش منه مقاسها أد ايه يعنى أنفذ نفس المقاس و لا أزود ..
بصراحة الجاكت عجبنى جداً.
تسلم يداك حبيبتى.
ورشة جاكيت صيفي بسيط 743372

sasopink كتب:: حقيقي بجد استاذة في الكروشيه و عبقرية تريكو
ورشة تحفة و شرحك اكتر من رائع

جزاكي الله خيرا ساسو حبيبتي

وتسلمي لي ويسلم مرورك الكريم

enass72 كتب:: ازيك يا أم منه يا جميلة و ازى الأستاذة منه
انت قلتى حبيبتى ان الجاكت مقاس منه فمعلهش منه مقاسها أد ايه يعنى أنفذ نفس المقاس و لا أزود ..
بصراحة الجاكت عجبنى جداً.
تسلم يداك حبيبتى.

شوفي ايناس انا اشتغلت بالباترون نفسه

بس استعملت خيط الاليز الجافا وده فتلته رفيعه وبابرة رقم 11 فطلعت الوحدة صغيرة

وبعدين ممكن تظبطي الباترون تبعا لمقاسك

بمعني ان الباترون الاساسي 7 وحدات اساسيه امام وخلف فممكن لو مقاسك كبير شويه تزودي وحدتين

وتعملي الوحدات تحت 3 وحدات ونصف وحدة من كل جهة

ومن فوق 3 وحدات و3 انصاف وحدة

رسمت لك رسمه بسيطه لو عايزة تكبري الباترون

ولو في نقطه مش واضحه قوللي
ورشة جاكيت صيفي بسيط Rannd637ce75638

ده جاكيت نونه من الامام

ورشة جاكيت صيفي بسيط Rannd63f8fbf95c

وده من الخلف

ورشة جاكيت صيفي بسيط Ranndfbd6308b65

ما شاء الله أم منه ..
تسلم ايدك حبيبتى و يخلى لك منه يارب و تعملى لها و هى عروسة إن شاء الله.
و تسلمى حبيبتى على الشرح البسيط و تعبتك فى الباترون ..
جزاك الله خيراً.
drunken

متشكره جدا يا أم منه عالشرح الجميل و الإهتمام و جزاكى الله عنى كل خير ... جارى التنفيذ.

enass72 كتب:: ما شاء الله أم منه ..
تسلم ايدك حبيبتى و يخلى لك منه يارب و تعملى لها و هى عروسة إن شاء الله.
و تسلمى حبيبتى على الشرح البسيط و تعبتك فى الباترون ..
جزاك الله خيراً.

مفيش تعب ولا حاجه انوووووووس

وربنا يعزك حبيبتي

وجزاكي الله خيرا لكلماتك الطيبه

ام همام كتب:

جزاكي الله خيرا ام همام

وتسلمي يا غاليه

maryous كتب:: متشكره جدا يا أم منه عالشرح الجميل و الإهتمام و جزاكى الله عنى كل خير ... جارى التنفيذ.

الشكر لله حبيبتي

وان احتاجتي اي شئ لاتترددي

تسلمين يا ام منه
باين موضوع رائع
بس للاسف مافي صور
بارك الله فيك

ربنا يجازيكى كل خير بس مافيش صور

ليش ما كو صور

الشرح جميل .. شكرا لكى
لكن لاتظهر الصور

» جاكيت صيفي للبنات
» ورشة بلوزة كروشية صيفي حلوة وناعمة.بلوزة العيد يا بنات .ورشة بلوزة كروشية
» ورشة جاكيت كروشيه للصغيرات
» تريكوووووووو صيفي
» بلوزة صيفي