ورشه بلوزه ملك

]

الجزء العلوى من البلوزة تريكو حتى الوسط .بغرزة بسيطة و هى سطر و سطر.
يله ... كل واحدة تأخذ مقاس ابنتها و هنبدأ البلوزة من الوسط الى أعلى ..
ابتديت 73 غرزة للأمام و اشتغلت سطر و سطر الى حردة الابط بطول 12 سم .

شكراً يا وفاء ..
و ربنا يبارك لك يارب و يرزقك ..
المهم الشرح كويس لو فى أى حاجة قولى لى يا وفاء .

اذيك يا انوس تسلم يديك بس هى فين صورة البلوزة الكاملة

تسلمى حبيبتى
كنت عايزه اعرف الابره مقاس كام

انا دخله اشاكس
فين طلبى
اشتغلت وفكيت مرتين
اين انتىىىىىىىىىىىى

أيوة يا يويو يا جميلة ..
الإبرة يا ستى مقاس 5.
وصلتى للحردة و لا لسه. يعنى أكمل و لا استنى شوية.
و بعدين يا يويو انتى تشاكسى براحتك خالص.

تسلمى حبيبتى
اكملى على اخر النهار اكون خلصت

يله يا يويو إظاهر ان محدش نفذ معانا الورشة ..
المهم أصبح عندنا 53 غرزة بدلاً من 73 غرزة بعد حردة الإبط نكمل الشغل حوالى 3 سم و طبعاً بيبقى حسب المقاس اللى بنعمله يا جماعة .
نقسم عدد الغرز اللى عندنا /3 القسمين اللى على الأطراف يكونوا للأكتاف و القسم فى الوسط نعمل فيه حردة الرقبة . يكون عندنا للأكتاف 18 غرزة لكل كتف و 17 غرزة لحردة الرقبة .
بالنسبة لحردة الرقبة :
نقسم ال17 /2 و نبدأ نقفل نصف من سطر و النصف الثانى من السطر التالى على 3 مرات يتم عمل الحردة
للحردة بعد ما نشتغل ال 18 غرزة للكتف من هذه الجهة نعد نصف غرز حردة الرقبه و نشتغلهم عادى مثل باقى السطر ثم نبدأ بقفل أول 3 غرز ثم نكمل باقى السطر عادى.
نعمل الصف التالى حتى نصل الى أول غرزة مقفولة فنربط فيها خيطاً جديداً ( ليكمل عمل حافتين منفصلتين عن بعضهما ) و نستأنف العمل بهاتين الخيطين ثم ننقص ال3 غرز الأولى من الجهة الخرى .
و هكذا حتى يتم قفل ال17 غرزة و بذلك تكون انتهت حردة الرقبه ...
لو فى أى حاجة مش واضحة أنا تحت أمركم .

طبعاً أنا عارفة يا يويو انك أستاذة ...
و لكن باحاول التوضيح للى مش عارف طريقة الحردة .

ولا يهمك حبيبتى انا معاكى للاخر

وصلت لحد هنا
ما هو رايك

اه الحلوة والجمال ده

انا متابغكوا من يعيد لبعيد

عشان باجي في الصيف بتحول مسولي كلها بتبقا كروشيه ههههههههه

تسلم ايدك يا يويو ..
انتِ عندك بنوتة فى سن ملك ..؟؟؟؟

ام منه كتب:

اه الحلوة والجمال ده

انا متابغكوا من يعيد لبعيد

عشان باجي في الصيف بتحول مسولي كلها بتبقا كروشيه ههههههههه

أهلاً يا أم منه يا جميلة ..
كده من بعيد لبعيد.

بعد كده عملت 4 أسطر ثم بأت فى حردة الكتف احنا سايبين للكتف 18 غرزة هنقفلهم على 3 مرات يعنى كل مرة نقفل 6 غرز من بداية كل سطر . طبعاً للكتفين .
لو الشرح مش واضح قولوا لى يا جماعة .
و بكده نبقى خلصنا الصدر ( التريكو ) .
الخلف :
نبدأ أيضاً 73 غرزة للخلف و نشتغل بنفس الغرزة سطر و سطر .. نفس الخطوات ( الجزء الخلفى مثل الأمامى )
الى أن نصل الى حردة الرقبة الخلفية نزود الشغل من الخلف شوية زى ما أحنا عايزين الطول علشان يبقى الخلف مرتفع عن الأمام حوالى 4 سطور .. و عملت الحردة على سطرين فقط فى كل جهة .. ثم نكمل حتى الأكتاف و نقفلها بنفس عدد الغرز مثل الأمام.
و بذلك نكون انتهينا من الجزء التريكو فى الصدر.

تسلمى حبيبتى
عندى بنتين تؤم
عندهم حوالى 6 سنوات
وطبعا مطلعين عينى
كل واحده عايزه زى الثانيه

حلوة البلوزة وورشة احلى موفقين باذن الله
للاسف ماعندي بنات كنت عملتها ادعو لي ربنا يديني بنت

youo_67 كتب:

تسلمى حبيبتى
عندى بنتين تؤم
عندهم حوالى 6 سنوات
وطبعا مطلعين عينى
كل واحده عايزه زى الثانيه

ربنا يبارك لك فيهم يويو ...
و تعملى لهم أحلى الحاجات حبيبتى..
:frrfrfr:

ام همام كتب:

حلوة البلوزة وورشة احلى موفقين باذن الله
للاسف ماعندي بنات كنت عملتها ادعو لي ربنا يديني بنت

شكراً على مرورك الكريم أختى أم همام ...
و ربى يرزقك ان شاء الله بنوتة جميلة و تعملى لها.

تسلم انوس
انا خلصت الامام وشغاله فى الخلف

جميل يا يويو .. أنا مستنياكى ..
علشان نبدأ فى الجزء الكروشيه.