طلب من خبيرات الكروشيه

السلام عليكم ورحمة الله وبركاته

ازيكم يا بنات

الف مبروك عليكم المنتدى الجديد

لى طلب بمناسبة الافتتاح

عاوزة طريقة عمل الوحدة اللى فى البلوزة دى بالخطوات

اهلا حبيبتى دودو
منوره
ياريت لو عندك باترون الوحده
لان الا عندى
سداسية الشكل
ام الا فى البلوزه
مكونه من ثمانيه

حاضر من عينيه دودو

هنزلك شغل الوحدة مصور

بسم الله الرحمن الرحيم
أختى دودو .. إليك الطريقة بالخطوات..
ابدئى 9 سلسلة ثم اقفليهم دائرة بغرزة منزلقةكالآتى:

ثم 3 سلسلة و 2 عمود مجمع فى السلسلة من السطر السابق ثم 4 سلسلة ثم 3 عمود مجمع فى السلسلة من السطر السابق و تكرر حتى ينتج عندك 8 ورقات.

[

تغلقى بمنزلقة كما فى الصورة.

تعملى 3 سلسلة بداية السطر الجديد ثم 2 عمود مجمع مع بعض ثم 4 سلسلة كالصورة.....

بعد ما تغلقى بمنزلقة تبدأى السطر الجديد بعمل 17 سلسلة و تثبتيهم بعد ورقة الوردة من السطر السابق ثم 3 منزلقة ثم 3 سلسلة و تثبتيهم فى نفس المكان ثم 17 سلسلة و تكررى حتى ينتج عندك 8 فراغات..........و تغلقى السطر بمنزلقة.

تبدأى السطر الخامس هنعما أعمدة داير السلاسل اللى عملناها من السطر السابق يتم عمل 21 عمود بلفتين فوق ال17 سلسلة من السطر السابق و عند آخر عمود تشبكيه بمنزلقة فى أول سلسلة من تحت من ال17 سلسلة (اللى بيكونوا الفراغ الذى يليه) ثم تكملى ال20 عمود بلفتين عادى و تكررى حتى يتم عمل ال8 ورقات....

السطر السادس: بعد 7 أعمدة من على ورقة الوردة تثبتى خيط من جديد ثم تشتغلى 6 سلسلة ثم تتركى 3 أعمدة من السطر السابق و تعملى 1 حشو ثم 6 سلسلة ثم 1 حشو بعد 3 أعمدة من السطر السابق ثم 10 سلسلة ثم تتركى 7 أعمدة من الورقة الثانية و تثبتى بغرزة حشو ثم 6 سلسلةثم تتركى 3 أعمدة من السطر السابق ثم تثبتى بغرزة حشو ثم 6 سلسلة ثم تثبتى بعد 3 أعمدة من السطر السابق بغرزة حشو ثم 10 سلسلة ثم تثبتيها فى الورقة التالية بغرزة حشو بعد 7 أعمدة منها و هكذا حتى تكملى الوردة ............

السطر الأخير : 6 سلسلة و تثبتيها بغرزة حشو فى منتصف ال6 سلسلة من السطر السابق ثم 6 سلسلة ثم تثبت فى منتصف ال6 سلسلة من السطر السابق (الفراغ) ثم 6 سلسلة أخرى ثم 2 عمود مجمع بلفتين فى السلسلة الرابعة من السطر السابق (10 سلسلة) ثم 2 عمود بلفتين مجمع فى نفس المكان ثم 12 سلسلة ثم 2 عمود مجمع و يثبتوا فى السلسلة السادسة من السطر السابق ثم 6 سلسلة ...............نكرر حتى ننتهى من الوردة و يتكون لدينا أربع زوايا كما بالصورة .

أرجو ان أكون قدرت أفيدك دودو...............

اشكرك اختى ايناس على الشرح الجمييل

جزاكم الله كل خير

العفو يا دودو ..
و أى سؤال أنا تحت أمرك.

انا كنت داخله انزلك الصور

بس

انوس قامت بالواجب وزياده

جزاكي الله خيرا ايناس

وان كان في حاجه مش واضحه دودو قولي ولاتترددي

اشكرك ام منه على الرد الجمييل

اشكركم الف شكرك على المتابعه المستمرة

بسم الله الرحمن الرحيم
بصى يا دودو لو انتى عايزة الوحدة دائرية مش هتعملى آخر سطر يعنى هيبقى السطر الأخير عبارة عن 6 سلسلة و تثبتى و السطر الخير هيكون هو اللى فيه التشبيك أول وحدة بتتنفذ كاملة مثل السطر السابق أما الوحدة التانية و اللى تليها تيجى عند آخر سطر و تشبكى ازاى يا ستى ..... شوفى اعملى 2 سلسلة فى الوحدة التانية ثم تحضرى الوحدة الأولى و تعملى غرزة منزلقة بعد السلسلتين اللى عملتيهم فى الوحدة التانية ثم سلسلتين و تثبتى بغرزة حشو فى الوحدة الثانية و بكدة تكونى شبكتى الوحدة بجزء صغير أو فستونة يعتى و كملى مرتين كمان يكون انتهى تشبيك الوحدتين فى بعض حاولى تنفذى كده و لو فى حاجة ان شاء الله
وتصبحى على خير. انزلها لك بالصور يوم الثلاثاء لانى مسافرة غداً ان شاء الله و الرسالة بتاعتك لسه قرياها الآن

جزاكي الله خيرا انووس

فعلا دودو عايزة تعمل الوحده دائريه

الف شكر يا ايناس على الشرح الجمييل

أم منه
دودو
شكراً لكم.

تسلم ايدك ايناس على شرحك الرائع

تسلمى أختى يويو على مرورك الكريم.