طريقة عمل التوست حطوة بحطوة

عجينة التوست ما في اسهل منها لكن الشطاره تكون في طريقة العجن .. طريفة اللف .. ومدة العجينه بالفرن والحراره المناسبه .

المقادير:

3 الى 4 أكواب دقيق
1 ونص ملعقه كبيره خميره
1ونص الى كوبين ماء دافيء
2 ملعقه سكر
1 ملعقه صغيره ملح
3 ملاعق زيت
أعشاب أو زعتر حسب الرغبه ( تتم اضافتهم أثناء عملية العجن)

الطريقة:

تخلطين الماء مع الخميرة والسكر والملح



وبعدها تضيفين الدقيق وتعجنين .. شوي شوي تضيفين الطحين الى ان تحصلين على عجينه متماسكه




اهم شي انك تاخذين وقت كفايه بالعجن مثل ما هو مبين بالصوره لانك كل ما عجنتي اكثر كل ما صارت العجينه هشه بالأكل .. وطريقة العجن في انك تضغطين العجينه الى جدام كأنك تفردينها وبعدين تلفينها وهكذا





تتركينها ترتاح مدة ساعه الى ساعتين - حسب الجو في مكان وتكونين مغطيتها طبعا
بعدها تفردينها وتلفينها مثل ما هو واضح وتنقلينها للقالب المدهون و تتركينها ترتاح مدة 15 - 20 دقيقه








تمسحين الوجه اما بالماء اذا كنتي تحبين السطح ناشف او الزبده او البيض اذا كنتي تحبين السطح رطب ولين
لكن وانتي تمسحين حطي بالك لا تضغطين حيل على العجينه حتى ما تهبط



وتدخلينها الفرن حراره متوسط الى حار - تقريبا 180 درجة لمدة 20 - 30 دقيقه وبعدها تشعلينها من فوق عشان يتحمر ... تتركينها تبرد تماما وبعدين تقطعينها بالسكين المنشاريه




اتمنى تعجبكم وتاكلو بالصحة

شكرا يا ست الحبايب على مرورك اللطيف
انشاء الله بالصحة والعافية وانا جربتها هالطريقة وكثير فعالة وناجحة